Martxan da EH Bilduren Eusko Legebiltzarrerako hauteskunde kanpaina. Hamabost egun hauetan, herriz herri eta auzoz auzo ekitaldiak, eskuorri banaketak eta bestelako hamarnaka ekintza izaten ari dira, baina Gipuzkoako ekitaldi nagusia Tolosan ospatuko dute. Hain justu, ekitaldi nazionala izango da larunbatean, 12:00etan, Beotibar pilotalekuan. Honela, EH Bilduko kide guztiak elkartuko dira eta bertan izango dira Pello Otxandiano lehendakarigaia, Maddalen Iriarte EAEko parlamentu taldeko bozeramailea eta Arnaldo Otegi koordinatzaile nagusia.
«EH Bilduren indarra, ilusioa eta kemena, Tolosako Beotibar pilotalekuan sentiaraziko eta sentituko ditugu», adierazi dute EH Bildutik.
Solasaldia, bihar
Bestetik, EH Bilduren solasaldia izango da gaur, 19:00etan, Tolosako Zerkausian. Osakidetza zutik jartzeko proposamena izenburupean, osasun zebitzu publikoak azken urteotan jasan duen «gainbehera» salatu eta Osakidetza «zutik jartzeko» proposamenak aurkeztuko ditu Rebeka Ubera EH Bilduren legebiltzarkideak gidatuko duen gaurko saioan.