Gaurko Haur Liburuaren Nazioarteko Eguna ospatu dute Tolosako Haur Liburutegian, orri-markatzaileak egiteko tailerra eginez. Urtero bezala, IBBY Haur Liburuaren Nazioarteko Erakundeak mezu bat prestatu eta zabaldu du. Aurten Eiko Kadono idazle japoniarrak idatzi du poema formatuan emandako mezua eta Nana Furiya sortu ditu ilustrazioak.
Hain justu, gaurko egunez jaio zen Hans Christian Andersen ipuingile daniarra eta hori dela eta ospatzen da Haur Liburuaren Eguna. Ahatetxo itsusia, Erpurutxo eta Sirenatxoa dira bere narrazioetako batzuk. Haur literaturaren eremuan ematen den sari garrantzitsuenak ere, Andersenen izena darama.