Danel Etxeberria Gipuzkoako Eskolarteko finalean arituko da apirilaren 12an Lasturren. Oiartzunen jokatu zen azken kanporaketan lehenengo postuan sailkatu zen tolosarra, eta honenbestez, Kattalin Arabolaza, Sustrai Goenaga, Joanes Azpillaga, Egiar Otegi eta June Aiestaranekin batera ariko da finalean. Harituz bertsozale taldean aritzen da Etxeberria, baita Aiestaran ere.
Bertsolari gazteek asteburu pasa geratzeko aukera izango dute Lasturren. Horretarako izena eman behar da ondorengo loturan. Gipuzkoako Eskolarteko finala afalostean egingo da, horretarako jarritako oholtzan. Bertsolariek ondorengo lanak egin beharko dituzte: lau oinak emanda, 8ko txikian, bertso bat; binaka, 8ko handian, bina bertso; binaka, 8ko txikian, bina bertso; eta banaka, puntu bati erantzun 8ko txikian eta gaia emanda bertso bat, gehienez 10eko handian.