Haritz Azurmendik, ikerketaren arduradunak, Erdi Arotik XIX. mendera bitartean Tolosaldeko gizarteak euskararen ikuspegitik izan duen bilakaera azalduko du. Hitzaldi ilustratua izango da, Unai Gaztelumendi marrazkilariak, entzuten duenarekin marrazki handi bat egingo baitu momentuan.
Galtzaundi Euskara Taldea 2021ean hasi zen Euskararen Historia Soziala Tolosaldean ikertzeko lanetan. Lehenengo zatian, 1936ko Gerratik trantsiziorako tartea aztertu zuen. Bigarren zatian, 1833tik 1936ra bitartean Tolosaldeko gizarteak euskararen ikuspegitik izan duen bilakaera aztertu zuen Hazurmendik, eta 2023an heldu dio XIX. mendea eta Euskal Pizkundea aztertzeari.