Promozio mailako binakako txapelketari finala jokatzea besterik ez zaio geratzen. Larrazabal-Eskiroz aurkarien zain zeuden, eta atzoko hil ala biziko partidan, txartel hori Agirre eta Iztueta tolosarrak lortu zuten.
22-11kako emaitzarekin gainditu zituzten Egiguren V-Eskuza Laudion, Asier Agirrek eta Martxel Iztuetak. Ordu betetik gorako iraupena izan zuen partidan, 631 pilotakada jo behar izan zituzten lau pilotariek 22ra iristeko. Gorriek 10 tanto egin zituzten, zazpi pilota galduz. Urdinek lau bakarrik egin zituzten, galdutakoak, berriz, 12 izan ziren.
Finala hurrengo larunbatean jokatuko da, martxoaren 23an, Iruñeko Labrit pilotalekuan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!