Formazio teknikoa aberasten dituzten testuinguru formatzaile ezberdinak diseinatzen dituzte, gainera: boluntariotza ekimenak, elkarte eta eragile ezberdinekin elkarlanak eta proiektuak, komunitateari zerbitzuak eskaintzea eta abar luze bat. Azken urteetan Lanbide Heziketa bizitzen ari den aldaketara erabat egokitzen ari dira Inmakuladan, horrela gizarteak dituen formazio eta lan-beharrei erantzun ahal izateko.
Guzti horren adibide dira azken urteetan garatutako hainbat proiektu eta esku-hartze, esate baterako, espazio teknologikoa landu dute teknologia berrienak gelatan txertatuz, foru aldundiarekin batera Adinberri ekimenean daude eta Tolosaldea Garatzen, Zutani eta Emplea fundazioarekin batera Josi ta Josi proiektuan hartzen dute parte.
Eskaintza
-
Oinarrizko lanbide heziketa
- Ile-apainketa eta Estetikako Oinarrizko Lanbide Heziketa (eskaintza berria).
-
Erdi mailako zikloak
- Mendekotasun egoeran dauden pertsonei arreta egiteko teknikaria.
- Erizaintza laguntzailea.
- Farmazia eta parafarmaziako teknikaria.
-
Goi mailako zikloak
- Gizarteratzeko teknikaria.
- Irudi diagnosirako eta medikuntza nuklearreko teknikaria.
- Osasun dokumentazioko eta administrazio teknikaria.
- Audiologia protesikoko zikloa (eskaintza berria).
-
Etengabeko formakuntza
- Langileei begirako ikastaroak: Osasun-arretako ikastaroak, lehen sorospenak, zeinu hizkuntza eta osasun arloko ikastaroak.
- Langabetuei zuzendutako ikastaroak: Osasun garraioa, mendeko pertsonei gizarte erakundeetan gizarte eta osasun arreta ematea, pertsonei etxean gizarte eta osasun arreta ematea, eta joskintza ikastaroa (eskaintza berria).
-
Bestelakoak
- Formazio duala, Ikasempresa eta Urrats bat Atzerrian egonaldiak (Erasmus + eta elkartrukeak), praktika osasun zerbitzu publiko eta pribatuetan, boluntariotza-proiektuak, ibilbide profesionala, lan poltsa, heldutasun teknologiko eta instalazio aurreratuak, Agenda 2030, TKgune eta Berrikuntza eta Internalizazioa.
Inmakulada Lanbide Ikastola Integratua
- Helbidea.Kondeaneko aldapa, 5, Tolosa.
- Telefono zenbakia. 943 67 36 29.
- Webgunea. Inmakuladatolosa.eus
- X. @inmakuladaikast
- Instagram. @inmakulada_tolosa
- Youtube. inmakuladaikastetxea
- Linkedin. inmakuladaikastola