Larunbatean esprint txapelketa izan zen: 12 urte azpikoetan (500 metro), Iker Aranburu txapeldun izan zen; 14 urte azpikoetan (500 metro), Libe Curras txapeldun da eta Inge Arin txapeldunorde; 16 urte azpikoetan (1.470 metro), June Aranburu txapeldun; eta absolutu mailan (1.470 metro) Hodei Juaristi hirugarren izan zen.
Distantziako txapelketa izan zen jokoan atzo: 12 urte azpikoetan (2,5 kilometro), Iker Aranburu txapeldun; 14 urte azpikoetan (5 kilometro), Libe Curras garaile eta Inge Arin txapeldunorde; 16 urte azpikoetan (7,5 kilometro), June Aranburu txapeldun; absolutu mailan (10 kilometro) Naroa Amantegi txapeldunorde izan zen eta Hodei Juaristi bosgarren.
Imanol Rojo, Munduko Kopan
Bestalde, Imanol Rojok 50 kilometroko Munduko Kopako Osloko proban parte hartu zuen atzo, 43. postua lortuz. Proba horrekin Munduko Kopan parte hartzen duen 100. aldira iritsi da.