Tolosako Txotxongiloen Museoak bat egin du martxoaren 8an ospatuko den Emakumeen Nazioarteko Egunarekin. Hala, larunbatean, hilak 9, egun osoko egitarau berezia antolatu du. Goizean, Txotxongiloak emakumeetan bisita gidatuak egongo dira; 11:30ean euskaraz eta 12:30ean gaztelaniaz. Esperientzia honetan parte hartu nahi duenak bi aukera ditu: 943 650 414 telefono zenbakira deitu cit@cittolosa.com helbide elektronikora idatzi. Taldeak gehienez ere 15 lagunekoak izango dira.
Arratsaldean, berriz, tailerra eta ikuskizuna barne hartzen dituen ekintza egingo dute. 17:00etan izango da txotxongiloak egiteko aukera; ikuskizuna, berriz, 18:30ean izango da. Oraingoan, Herrialde Katalanetako Cal Teatre konpainiaren 'Juego de las sillas' ikuskizunaren txanda da. Familia giroko saioa da, 5 urtetik aurrerakoei gomendatutakoa, eta gaztelaniaz izango da. Bi ekintza horietarako telefonoz edo posta elektronikoz eman daiteke izena, aurrez aipatu moduan.