Igandean, TAK klubak antolatuta, Gipuzkoako Batel Ligako bosgarren jardunaldia jokatu behar zuten Oria ibaian, infantil eta kadete mailetako arraunlariek. Gipuzkoa barrualdean egiten den jardunaldi bakarra da Tolosakoa, eta urtero, lurraldeko arraunlari gazteak lehian ikusteko aukera izaten da bertan; herritarrak ere gogoz joaten dira estropada ikustera. Aurten, ordea, ez da jokatuko.
Izan ere, eguraldiaren iragarpenaren ondorioz, eta eskola kiroleko larrialdi-protokoloari jarraituz, Gipuzkoako Foru Aldundiak bertan behera utzi ditu asteburuan uretan egitekoak ziren jarduerak, larunbatean alerta laranjagatik eta igandean abisu horiagatik. Gainera, sor daitezkeen egoeren aurrean zentzuz jokatzea gomendatu dute.