Gijonen izango dira Topiceko txotxongiloak. Izan ere, igandetik martxoaren 1era bitarte, Feten Haurrentzako Arte Eszenikoen Nazioarteko azokan erakusketa zabala egingo du Topicek, Topic, begirada bat txotxongiloen munduari izenburupean.
Bertan, Topiceko 120 txotxongilo ikusi ahal izango dira, jatorriaren arabera banatuta: Ekialdea eta Mendebaldea. Ekialde aretoan ikusgai egongo dira Maliko txotxongiloak, txinatarrak, indiarrak, indonesiarrak eta Vietnamekoak. Mendebaldeko aretoan, berriz, Kataluniako, Euskal Herriko eta Amerikako piezak izango dira ikusgai, baita Topicen ikusgai izan berri diren John Blundall txotxongilo-maisu ingelesaren piezak ere.