Santa Ageda bezpera honetan, Andragora Tolosaldeko Emakumeen Etxeko Kantagora koruko kideek ere Tolosako kaleak hartu dituzte. Emakumeen plazatik hasita, herrian barrena ibili dira abesten. Tradizioa berrikustea izan da euren asmoa, «zeinaren jatorria, izatez, aldareetara igotako indarkeria matxistaren eta zapalkuntzaren historia den».
Honela, euren abestien bidez, Agedaren tortura salatu dute: «Haren oroimenez abesten dugu eta gure makilekin sinbolikoki kontzientziak astintzen ditugu. Beragatik, gugatik eta isilarazitako emakume guztiengatik abesten dugu eta ironiaz eta lotsagabekeriaz egiten dugu, geure hitzekin, gure askatasun eta bizitza nahiak airera botaz».
