Euskal Herriko hainbat lekutako mintegiak bildu dira gaur, Tolosako Trianguloan, XXVIII. Zuhaitz Azokan. Anoetatik Ines Flores Navarrete eta Asier Iraola gerturatu dira, baina eskualdetik kanpokoak izan dira gehienak, Zaldibar, Iurreta, Tafalla, Beizama, Zaldibar eta Kortezubikoak, hain zuzen. Zuhaitz landareak inguratzeko garaia da negua eta nabari zen hori gaurko hitzorduan, herritar asko gerturatu baita hitzordura. Herritarrak batez ere, fruta-arbolak landatzeko asmoz joan dira Triangulora, eta mintegietako zein gainontzeko herritarrekin zalantzak argitzeko baliatu dute askok azoka.