Baiko Pilotak eta Jon Ander Peña pilotari tolosarrak akordioa lortu dute orain arteko harremana bi urtez luzatzeko; hiru urtez luzatzeko aukera ere izan dezake.
Aurrelari tolosarrak adierazi du «oso pozik» dagoela beste bi urtez Baikon jarraitzeko aukera izateagatik, eta orain arteko lan-ildo beretik jarraitzea espero du.
Jon Ander Peña Binakako Txapelketako lehian murgilduta dago, eta gaur gauean bertan Albisurekin batera, Elordi-Rezustaren aurka jokatuko du Hendaian sailkapen ligako 11. jardunaldiari hasiera emango dion partidan.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?