Tolosako Luis Iruretagoienak hamasei urte eta erdi eman ditu frantziar kartzelatan eta gaur atera da kalera Lannemezaneko espetxea atzean utzita, Etxeratek jakinarazi duenez. Zigorra osorik bete du.
2013. urtean epaitu zuten Iruretagoiena ETAko kide izateagatik eta 20 urteko zigorra ezarri zioten. Atxiloketa 2007an gertatu zen Cahorsen, Lot departamenduan: Alaitz Aramendi, Oihan Barandalla eta Ander Mujikarekin batera harrapatu zuten.