Imanol Rojo iraupen eskiatzaile tolosarrak beste bi probatan parte hartu du pasa den asteburuan. Larunbatean Alemaniako Oberhof herrian egindako Munduko Kopako lasterketan parte hartu zuen, 20 kilometro klasiko eran, eta 47. postuan parte hartu zuen. «Lasterketa oso zaila» izan zela adierazi zuen Rojok bere sare sozialetan.
Igandean Txekiako Jakuszyce herrian Alpen Kopako proba izan zuen, berriro ere 20 kilometroko distantzia klasiko eran, eta seigarren postuan amaitu zuen, orain arte lortu duen bigarren postu onena Alpen Kopan. Asteburu honetan Suitzako Goms herrian egingo den Munduko Kopan parte hartuko du eskiatzaile tolosarrak.