Topic-eko Anbigu aretoan erakusketa berri bat bisitatzeko aukera dago otsailaren 11ra bitarte. Munduko txotxongiloak du izena, eta Vietnam, Txina, Indonesia, Mali eta Euskal Herriko txotxongilo sorta batez osatuta dago. Halaber, Topic-en bertan, John M. Blundall txotxongilo maisua erakusketa bisitatzeko aukera dago; hau ere otsailaren 11ra bitarte. Artista plastiko, eszenografo, irakasle eta bildumagile britainiarraren aparteko erakusketa da, eta Erresuma Batuko txotxongilo-antzerkiaren ekoizlerik oparoena da.
Bestalde, larunbat honetan, hilak 27, bisita gidatuak izango dira Topic-en, txotxongiloen museoa bertatik bertara ezagutu eta lanak gertuagotik ikusi ahal izateko. Bi bisita gidatu izango dira; lehena, 11:30ean, euskaraz, eta bigarrena, 12:30ean, gaztelaniaz. Bisita gidatuetarako izena emateko bi modu daude: 943 650 414 telefono zenbakira deitu edo cit@cittolosa.com helbidera mezua idatzi.