Jose Ramon Arriaran Aiestaran tolosarra hil da 72 urte zituela. Arriaran Tolosako Udaleko zinegotzi izan zen EAJ alderditik, 1983 urtetik 1989ra bitarte. Mirentxu Etxeberria (EAJ) Tolosako lehenengo emakumezko alkatea zela izan zen zinegotzi, eta ondoren, Jose Manuel Gurrutxagarekin (EA). Gipuzkoako Batzar Nagusietan EAJko ordezkari ere izan zen.
Bestalde, Noticias de Gipuzkoa egunkariko sortzaileetakoa izan zen tolosarra, eta bertako administrazio kontseiluko kide izan zen hainbat urtez. Era berean, Kutxako administrazio kontseiluko kide ere izan zen.
Bere aldeko hileta elizkizuna bihar, asteazkena egingo dute, Tolosako Santa Maria parroki elizan, 19:00etan hasita.