Amurrion jokatu da ziklo-kroseko Espainiako Txapelketa, eta junior mailan Maier Olano tolosarrak laugarren postua lortu du, brontzezko dominatik gertu egon ondoren. ZU-K Limousin taldeko txirrindularia Euskadiko selekzioarekin lehiatu da eta berarekin batera Irati Aranguren selekzio kidea izan da dominen lehian. Lorena Patiño eta Aroa Otero galiziarrak nagusitu dira, hurrenez hurren lehen eta bigarren postuak lortuz, eta Olano, Aranguren eta Ana Lopez Aragoiko selekzioko txirrindularia izan dira brontzezko domina lortzeko lehian. Azken Itzulian Lopezek aurrera egin eta berak eraman du azkenean domina hori. Ondoren sartu dira helmugan Olano eta Aranguren.
Euskadiko selekzioarekin lehiatu da tolosarra ziklo-kroseko Espainiako Txapelketan, junior mailan, eta dominetatik gertu ibili da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!