Biharko euri asko dago iragarrita, eta Tolosako Udaletik esan dutenez, arratsaldeko lehen orduan bilduko dira udala eta parte hartzaileak, eta eguraldiaren arabera Errege Magoen desfilea egin edo ez erabakiko dute. Erabakiaren berri Tolosako Udalaren sare sozialetan emango dute.
Desfilea ez egitea erabakiko balitz, Erregeek Zerkausian egingo diete harrera haurrei. Dena den, goizean zehar ere Gure Zirkuaren karpan egongo dira harrera egiten, 10:30etik 13:30era. Sarrera librea izango da, hau da, ez da gonbidapenik beharko.
Azoka, bihar goizean
Bestalde, larunbata, Errege eguna, jai eguna izanik, urteko lehen azoka bihar goizean izango da, ohiko hiru plazetan.