Tolosako Aitzol Udal Euskaltegiak bigarren matrikulazio epea zabalduko du, euskara ikasi nahi duten pertsonei izena emateko aukera berri bat emateko. Urtarrilaren 8tik 12ra bitartean eman ahalko da izena, aurrez-aurreko taldeetan hutsik dauden plazak betetzeko. Plazak mugatuak dira. Izena emateko aurrez aurre bertaratu behar da euskaltegira, 09:00etatik 13:00etara edo 16:00etatik 19:00etara.
Talde hauetan egongo da izena emateko aukera:
- A1A1 maila (astelehenetik ostegunera, 09:30-11:30): 3 plaza libre.
- A1A0 maila (astelehenetik ostegunera, 09:30-11:30): 4 plaza libre.
- A2A1 maila (astelehen, astearte eta ostegunetan 09:00-11:00): 4 plaza libre.
Informazio gehiagorako 943 65 10 06 telefono zenbakira deitu daiteke edo aitzolue@tolosa.eus helbidera idatzi.