Arratsaldeko lehen partida, kadete mailako bi pilotarik jokatuko dute lau eta erdian. Perurenak eta Olanok neurtuko dituzte indarrak.
Ondoren, lehen mailakoan, gaur egun maila honetan dauden bi pilotari ikusgarrienak jokatuko dute. Biek aurrekontratuak dituzte enpresekin.
Apezetxea - Oliden bikotea Zubizarreta eta Apeztegiaren aurka ariko dira. Faborito argirik gabeko partida aurreikusten da.
Azkenik, elite mailako finalean ere kalitate handiko lau pilotari ariko dira. Alde batetik E. Labaka - Ek. Lizeaga gipuzkoarrak ariko dira eta beste aldetik Fernandez - Loza errioxarrak. Azken hauek partida bikaina jokatu zuten finalerdietan. Hala ere, gipuzkoarrak izango dira faborito. Aipatu bi atzelariek aurrekontratuak dituztela enpresekin.