Bertakoa zaintzea ezinbestekoa dela maiz aipatu izan dugu. Baita elkar zaintzea oso garrantzitsua dela ere. Eta ATARIA-k bide horretan bere ekarpena egin nahi izan du. Gabonetarako prestatutako opari berezi honekin bertako euskarazko kazetaritza, gertukoa eta profesionala oparitzeko aukera eskaintzen du ATARIA-k.
Horretarako, Tolosako Trianguloa plazan postua jarriko du 'Tolosaldeko Ataria'-k larunbat goizean, eta oparitzeko harpidetza eskuratzeaz gain, materiala ere erosi ahalko da.
Bihar Trianguloa plazara gerturatu ezin dutenek ATARIA-k Tolosako San Esteban auzoan duen egoitzan bertan, telefonoz deituz 943 65 56 95 telefonora, edo atarikide@ataria.eus helbide elektronikora idatziz eskuratu ditzakete oparitzeko harpidetza nahiz materiala.
Harpidetza eginez edota materiala erosiz, inoiz baino errazagoa da, orain, ATARIA-rekin bat egitea, eta ondorioz, Tolosaldeko euskarazko komunikabidea indartsuago egiten laguntzea.