Jaialdiko lehen partidan lan handia egin ondoren Apezetxea-Oliden bikoak lortu zuen garaipena Rekalde-Bernaola bizkaitarren aurka (22-17). Lau pilotariak maila onean jokatu zuten.
Ondoren, lehen mailako partidan, Amiano-Erle bikotea zen faboritoa baina pilotariek ez zuten egun ona izan eta Lizeagak eta Cansecok irabazi zieten (22-12). Cansecok bi esku interesgarri dituela erakutsi zuen eta kontutan hartzeko pilotaria izango da etorkizun hurbilean.
Azkenik, elite mailako partidan, Elolak eta Alduntzinek ezin izan zuten irabazi Fernandez-Loza bikote errioxarraren aurka (22-9). Irabazleek bikote indartsua osatzen dutela erakutsi zuten eta kontutan hartzeko bikotea izango da txapelketarako.
Hurrengo jaialdia abenduaren 17an, igandea, izango da, 16:30etik aurrera, eta finalerdien lehen jardunaldia jokatuko da.