Besteak beste, ostiralean Aspe enpresarekin debuta egingo duen Joseba Aldabe harmailetan izan zen.
Lehen mailako partidan Zubizarreta eta Apeztegia ziren faboritoak, baina lan asko egin behar izan zuten partida irabazteko. Ohian Etxeberria eta Albeniz bikoteak ere partida ona jokatu zuen eta finalerdietarako txartela eskuetan eduki zuten. Azkenean, 22-19 Zubizarreta eta Apeztegiaren alde.
Elite mailako partida ere kalitate handikoa izan zen eta lau protagonistak maila altuan jokatu zuten. Labaka-Lizeaga nagusi izan ziren Azketa eta Elizegiren aurka (22-19). Pilota abiadura handian ibili zuten eta tanto ikusgarriak egin zituzten.
Hurrengo jardunaldia abenduaren 8an, ostirala, 16:30ean hasita jokatuko da.