Kaleko ikuskizuna joko bihurtzen duen Kataluniako eta Espainiako lehen konpainia da Guixo de 8, eta hala egin dute goizean Tolosan. Hain zuzen, Gargot Picado izeneko bilduman jolasteko aukera eskaini dute Zerkausian. Konpainiak berak eraikitako 37 jokoek osatzen dute bilduma, berrerabilitako materialekin eraikiak. Antolatzaileek azaldu bezala, «bilduma hau oso gomendagarria da iraupen luzeko ikuskizunetarako; izan ere, jokoa beti berria da, aurkaria edo zure trebetasuna aldatzen den heinean». Adin desberdineko herritar ugari gerturatu da bertara, eta denek izan dute joko bakoitza probatzeko aukera.