Bi partida interesgarri espero ziren eta ez zuten huts egin nahiz eta markagailuak ez horrela erakutsi. Lehen mailako partidan Irribarria-Gabirondo ziren faborito garaipena lortzeko eta ez zuten huts egin (22-9). Nahiz eta galdu, Apaolaza eta Azpirozek itxura ona emanda agurtu dira txapelketatik.
Ondoren, elite mailako partidan Muruak eta Garmendiak erakutsi zuten aurtengo txapela irabazteko hautagai garrantzitsuak izango direla. U. Amiano-Irazustabarrena bikoak ez zien erraz jarri, eta hasieran ematen zuen partida gogorra izango zela, baina azkenean faboritoek lortu zuten garaipena (22-11).
