Lehiberri eguna enpresen arteko harremanak sustatzeko

Tolosaldeko Ataria 2023ko aza. 23a, 11:23

Lehiberri eguna egiten ari dira Tolosaldea Garatzenek antolatuta. Tolosaldea Garatzeneko lehendakari-orde Alaitz Labaienek egin du ongietorria.

Euskal Autonomia Erkidegoko ekonomiaren bilakaera eta aurreikuspenak ezagutzeko, eskualdeko enpresen esperientziak entzun zein ezagutaraztea, eta horien arteko harremanak sustatzen saiatzeko helburua du gaur egiten ari diren Lehiberri egunak. Alaitz Labaien Tolosaldea Garatzeneko lehendakari-ordeak egin du ongietorria eta lehen hitzartzea Joseba Madariaga Laboral Kutxako Ikerketa Departamentuko zuzendariarena izan da. Euskal Autonomia Erkidegoko ekonomiari buruzko aurkezpena egin du.

Talentuaren kudeaketari buruzko mahai-ingurua ere egin dute eskualdeko Omicron, Kimua Group, Casa Eceiza eta Bidegain enpresekin. Eta amaitzeko networking espazio bat izango dute enpresen arteko harremana sustatzeko, lankidetza aukerak sortzeko eta enpresak bata bestearengandik gertuago sentitzeko.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!