Aurtengo udan seigarren bira amaitu ondoren, Gabonetan Tolosara itzuliko da Gure Zirkua. Oraindik emanaldiak zein egunetan egingo dituzten adierazi ez badute ere, sarrerak azaroaren 27tik (astelehena) aurrera jarriko dituzte salgai Gurezirkua.eus webgunean.
Horrez gain, zirku ikastaro trinkoa eskainiko dute, abenduaren 26tik 30era. Bi saio izango dira egunero, 9:30etik 11:00etara edo 11:30etik 13:00etara. 2017an edo lehenago jaiotako haurrentzat izango da ikastaroa, eta izena emateko galdetegi hau bete behar da. Ikastaroaren prezioa 80 euro da.