Xexili Eguna ospatzeko hainbat emanaldi izango dira Tolosan, igandea bitarte. Atzo izan zen lehen kalejira, ikasleen bandaren eskutik. Gaur ere kaleak girotzera aterako dira musika eskolako ikasleak, 19:30ean; hain justu, akordeoi, biolin eta txistu taldekoek egingo dute kalejira.
Bihar, Musikarien egunean bertan, Udal Musika Bandak kalejira egingo du, 19:30etik aurrera. Gorriti plazatik abiatuko da, eta honako ibilbidea egingo du: Gorriti plaza, Kale Nagusia, Plaza Zaharra, Zerkausia (geldiunea), Trianguloa plaza (geldiunea), Euskal Herria plaza (geldiunea), Arostegieta kalea eta Plaza Berria (geldiunea).
Kontzertua, igandean
Ohiko Xexili Eguneko kontzertua igandean izango da, 12:00etan hasita, Leidor Aretoan. Tolosako Udal Musika Banda, Giro Arte Dultzaina taldea, Udal Txistulari Banda, Isidro Larrañaga Akordeoi Orkestra eta Hodeiertz Abesbatza izango dira oholtzan.