Lehenengo mailako partidan Lizeaga-Canseco bikoteak irabazi zuten Diaz de Gereñu eta Telleriaren aurka (22-10).
Irabazleek erakutsi zuten kontutan hartzeko bikotea izango dela.
Ondoren elite mailako pilotariak jokatu zuten. Partida parekatua espero zen baina ez zen horrela izan. Elola-Irazustabarrena bikoteak nahiko erraz lortu zuten garaipena Igoa eta Alduntzin nafarren aurka (22-12). Gipuzkoarrek hasieran errenta handia lortu zuten markagailuan eta nahikoa izan zuten garaipena lortzeko.
Asteburu honetan final-laurdenetako partidak izango dira eta maila handiko pilotariak ikusteko aukera izango da.
