Aurreko urteetan bezala, bi ibilbide izango dira aukeran: bat 32 kilometro eta 1.300 metroko desnibelarekin, eta bestea 27 kilometroko ingurukoa eta 1.000 metroko desnibelarekin. Ibilbideak Olarrain, Urkizu eta Albizturko lurretan barrena izango dira.Irteera 09:30ean izango da, eta izen ematea egunean bertan Olarrain auzoan, 08:30etik 09:30era. Bidean, bi anoa gune izango dira eta inguratzen direnek zenbait opariren zozketan parte hartuko dute. Anbulantzia, laguntza mekanikoa eta bizikletak garbitzeko aukera izango dute parte hartzaileek.