Tolosako Casino Elkarteak jai ederra antolatu du gaur goizean Trianguloa plazan. Mikologikaren baitan, herritar ugari elkartu da bertara.
10:00ak inguruan, kazola erraldoia piztu eta txanpiñoiak egiten hasi dira elkarteko kideak. Horrez gain, perretxiko desberdinekin prestatutako pintxo dastaketa izan da.
Tolosaldeko ikasleek Aranzadi Zientzia Elkarteko kideen laguntzarekin bezperan bildu eta sailkatutako perretxikoekin sortutako erakusketa ere bertan zegoen, eta haurrentzako eskulan tailerra.
Horrez gain, apustua egiteko aukera ere jarri dute antolatzaileek. Galdera erraza zen: Zenbat kilo? Onddo saskian zenbat kilo zeuden asmatu behar zuten herritarrek.
Azkenik, Radio Rebeldek taldeak musikarekin osatu du jai giroa.