Atzo jakin zen Eusko Jaurlaritzaren Balorazio Batzordeak Joxi Zabala biktima gisa aitortzeko espedientea onetsi duela. Pili Zabalak ETBri eskainitako elkarrizketa batean eman zuen albistea eta azken pauso bat falta dela adierazi zuen.
Zabalak argitu zuen bere amaren izenean espediente bat aurkeztu zuela Eusko Jaurlaritzan, 12/16 Legeak bere anaia 1979tik 1999ra bitartean motibazio politikoko testuinguru batean giza eskubideen urraketa larrien biktima izan zela aitor zezan. Zabala urriaren 31n Donostian aurten aitortu diren polizia-abusuen biktimak aitortzeko egingo den ekitaldian egongo dela esan zuen.