Joxean Lasaren eta Joxi Zabalaren hilketaren 40. urteurrenaren harira hainbat ekitaldi burutzen ari dira azken egunotan. Aurreko asteburuan Busoten, Alacanten, euren gorpuak ezkutatu zituzten tokian lore eskaintza handi batekin oroitu zituzten bi tolosarrak.
Gaur Tolosako Leidor aretoan, Tolosako institutuetako ikasleek Lasa eta Zabala filma ikusi ahal izan dute Leidor aretoan, eta ondoren, Joxi eta Joxeanen arrebekin solasaldi batean parte hartu ahal izan dute. Martxelo Otamendi kazetariak moderatuta, Pili Zabala eta Axun Lasak euren bizipenen berri eman diete Laskorain, Orixe eta Herrikideko ikasleei.
Datorren urriaren 20an hirugarren eta azken ekitaldia egingo dute 19:30ean Tolosako Topic aretoan.