Jon Esnaola musikagile tolosarrak bere lehen argitalpena egin du, Xabier Irujo historialari eta idazlearekin elkarlanean. Irujok Amaiurko konkistaren inguruan idatzi izan du, eta kasu honetan, Esnaolari buruan zituen doinuak bidali zizkion, honek doinu horiek transkribatu eta obra berriak sortu zitzan. Azkenean, euskal folklorean inspiratutako kantuei buruzko zazpi pieza osatu ditu tolosar musikagile gazteak, biolin eta pianorako harmonizatuak, hizkuntza berri batekin.
Suite Amaiur partitura-liburua eskuragarri dago OE Bulegoa argitaletxearen webgunean, 20 euroren truke.
