Bere lehen abesti honetan influentziak garbiak direla esan du: «Chet Atkins, El Twanguero edo Tommy Emmanuel bezalako maisuek irakatsi didate hizkuntza hau eta agerikoa da. Abesti honekin fingerstyle tradizioari nire ekarpena ere egin nahi izan diot».
Abestiaren azala, berriz, berarentzat garrantzitsuak izan diren elementuak uztartuz sortu duela esan du. «Elur jaio zeneko plazentaren marrazkia, bizitzaren zuhaitzarekin uztartzen saiatu naiz. Espero dut gustukoa izatea».
Musikari tolosarrak aurreratu duenez, udazken honetan argitaratuko duen diskoko aurrerapen kantua da hau.
- Musika eta Grabazioa: Ander Zubillaga.
- Nahasketa eta Masterizazioa: Beñat Igerabide.
- Errealizazioa: Iñigo Asensio eta Imanol G. Gurrutxaga.
- Muntaia: Imanol G. Gurrutxaga.
- Ekoiztetxea: Korima Films.