Ostiral honetan hasiko dira Tolosako Aldaba auzoko San Migel jaiak. Hilaren 29ko iluntzean mezak zabalduko du jaien egitaraua, 20:00etan. Jarraian, txupinazoa botako dute, eta 21:00etan, herri afaria egingo dute; trikitilariak arituko dira iluntzea girotzen.
Larunbatean, txirrindularien igoera izango da jaietako lehen jarduera, 17:30ean. Hurrengo ekimena, berriz, 21:00etan izango da: zahagiardoa. Ondoren, bingo jokoa egingo dute eta, amaitzeko, Ansorregi eta Larrañaga trikitilariek girotuko dute iluntzea.
Igandean, jaien azken egunean, 12:00etan meza nagusia izango dute. Orduerdi geroago toka-txapelketa jokatuko dute eta, 14:00etan, herri bazkaria izango da. Egun osoan Ostolaza eta Rakel Pujana trikitilariak arituko dira giroa jartzen. Amaitzeko, Alurr dantza taldeak emanaldia egingo du 18:00etan.
