Gipuzkoako Foru Aldundia, ohiko artapen lanen barruan, GI-2130-A errepidean (Apatta industrialderako sarbidea), Tolosa parean dagoen Zumaingo tunel barruko eta kanpoko argiak ordezkatzen ari da. Lan horiek gauez egingo dituzte, zerbitzuko eta bide-segurtasuneko arrazoiak tarteko; izan ere, egunez trafiko handia izaten da eta horrek errepidea erabat moztu ahal izatea eragozten du.
Gauzak horrela, GI-2130-A errepidea erabat moztuko dute, gauez (22:00etatik 6:00etara), eta GI-3212 errepidea izango da Leaburura eta Gaztelura joateko bide alternatiboa, hau da, Ibarratik eta Belauntzatik joan beharko da.
Honako egun hauetan itxiko dute errepidea:
- Astelehenetik astearterako gauean.
- Asteartetik asteazkenerako gauean.
- Asteazkenetik ostegunerako gauean.
- Ostegunetik ostiralerako gauean.
Obrak eta dagozkien desbideraketak behar bezala seinaleztatuta egongo dira. Behar izanez gero, larrialdietako zerbitzuei bidea irekiko zaie, horretarako lanak gelditu beharko balira ere.