Datorren larunbatean, hilak 23, Sonakay talde donostiarrak kontzertua eskainiko du Urkizuko auzoan, Kultura Plazara: beste plazak egitasmoaren barruan. Orain arte landa auzoetako kontzertuekin egin den bezala, ekitaldi honetarako ere autobus zerbitzu berezia eskainiko du Tolosako Udalak, ikuskizunera joan-etorria egiteko.
Hori horrela, irailaren 23an, kontzertua 19:00etan hasten dela kontutan izanda, 18:00etan irtengo da autobusa Urkizurantz San Frantzisko elizaren pareko geldiunetik. Itzulera, halaber, ekitaldia amaitu ostean egingo da.
Interesdunek aurrez eserlekua erreserbatu behar dute eta kasu honetan, bihar izango da izena emateko azken eguna, kultura@tolosa.eus helbidera idatziz. Bertan izen-abizenak, eserleku kopurua eta harremanetarako telefono bat zehaztu behar da. Zerbitzua doakoa izango da.