Aurten ere, txotxongiloen museoak eta bere erakusketek aurreko udetan baino bisitari gehiago izan dituzte aurten, batez ere uztailean eta abuztuan. Irailean ere goranzko joera izaten ari da.
Guztira, 3.877 bisitari zenbatu dituzte, eta gipuzkoarrak izan dira gehienak. Estatuko gainerako probintzien zenbaketari erreparatuta, katalanak, madrildarrak, valentziarrak, murtziarrak, granadarrak eta zaragozarrak izan dira museoan.
Europako herrialdeei dagokionez, frantsesak, italiarrak eta herbeheretarrak izan dira bisitari nagusiak. Horiez gain, kroaziarrak, greziarrak, hungariarrak, irlandarrak, ingelesak eta suediarrak ere izan dituzte museoan. Txotxongiloen museotik nabarmendu dutenez, harrigarria da, halaber, Asiako bisitarien hazkundea. Amerikatik eta Afrikatik etorritako turistak ere izan dituzte.
«Udako denboraldiaren itxiera arrakastatsu horrek etorkizun baikorra uzten du datorren urterako, hazteko eta garatzeko aukerak are handiagoak baitira», adierazi dute museoko ordezkariek.