Iñaki Martixa Tolosa CF-ko lehendakariak azaldu duenez, asteleheneko saioa «presio pixka bat egiten hasteko» egin zuten, «modu sinbolikoan, eta baita entrenatzeko beharra dugulako ere. Aurrera begira, ahal dugun heinean, Usabal erabiltzen jarraitzeko asmoa dugu».
Asteleheneko saioan Tolosa CF klubeko beste ataletako kideak babesa ematera joan ziren. «TAKE saskibaloikoak, judo klubekoak eta igeriketa taldekoak ere joan ziren babesa ematera», esan du Martixak. «Beraiek ere gure egoera berean daude». Futboleko partidak Berazubin eta Alegian jokatu dituzte pasa den asteburuan Tolosa CF-koek, eta asteburu honetan Idiazabalen bi talde ariko dira etxeko bezala.