Alpino Uzturre Elkarteko eskiatzaileak negura begira jarri dira eta prestaketa lanetan hasiak dira. Asteburuan, rollerski txapelketak jokatu dituzte.
Larunbatean, Candanchun eraiki berri den asfaltoko zirkuituan, esprint mailako Espainiako Rollerski Txapelketak izan dira eta 14 urtez azpikoen mailan, emakumeen kategorian, Inge Arin Salazarrek urrezko domina lortu du.
Igandean, Espainiako Koparako puntuagarria den distantziako lasterketa jokatu zen Jakan. 14 urtez azpikoen mailan, emakumeen kategorian, Libe Curras Salazar izan zen irabazlea eta Inge Arin Salazar hirugarren helmugaratu zen. 16 urtez azpikoen mailan, emakumeen kategorian, June Aranburu Arregi izan zen garailea.
«Gustuko hasiera izan dugu eta udazkeneko hiru hilabeteetan izango diren beste rollerski lasterketetarako animoz beteta gaude», adierazi dute elkarteko prestatzaileek.