Europako Trial Txapelketa izan da jokoan Polonian asteburuan, eta bertan izan da Irene Caminos tolosarra Espainiako selekzioarekin. Finalerdietako lehenengo seiak sailkatzen ziren finalerako, eta hori zen Caminosen helburua, baina azkenean zortzigarren postuan amaitu zuen. Glasgowen Munduko Txapelketan parte hartu zuen, eta han ez zen gustura geratu egindakoarekin. Europako Txapelketan «Glasgoweko arantza» kendu duela azaldu du tolosarrak.
Europako Txapelketarekin denboraldia amaitutzat eman du Caminosek. «Deskantsatzeko garaia» dela esan du eta beste denboraldi bat aurrera ateratzen lagundu dioten guztiei eskerrak eman dizkie.