Kontzertua abenduaren 2an izango da, 22:00etatik aurrera, eta Fufu talde irundarrarekin batera ariko da. Kontzerturako sarrerak bihar jarriko dituzte salgai 10:00etatika aurrera Musikaze.net atarian.
Bidehuts-en eskutik argitaratuko dute Lorategi izoztuan hezur huts bilakatu arte diskoa eta Bonbereneako aurkezpen kontzertuarekin espazio eta kolektiboak egiten duen ekarpena balioan jarri nahi dutela esan dute, «besteak beste, autogestioaren kulturari eta kulturaren autogestioari egiten dioten ekarpen zinez baliotsua» nabarmenduz.
Diskoa LP eta CD euskarrietan argitaratuko dute Bidehuts-en webgunean, zuzenekoetan eta Durangoko Azokan. Azoka eta gero erosi ahal izango da dendetan. Diskoa aldez aurretik erosteko aukera emango dute era berean, Bidehuts.bandcamp.com webgunean, eta aurrerago jakinaraziko dute zein egunetik aurrera erosi ahal izango den.