Kultura Plazara egitasmoaren barruan, irailaren 2an Aldaban izango diren emanaldietara joateko autobusa jarri du Tolosako Udalak. 17:30ean Alurr dantza taldea izango da, Laia ikuskizunarekin, eta 19:00etan Belar hostoak. Autobusa 17:00etan irtengo da San Frantzisko elizaren pareko geltokitik eta itzulera ekitaldia amaitu ostean egingo du, leku berera. Eserlekua erreserbatzeko, kultura@tolosa.eus helbidera idatzi beharko da, izen-abizenak, eserleku kopurua eta harremanetarako telefono bat zehaztuz. Zerbitzua doakoa izango da.