Barne Sailetik azaldu dutenez, gertakariak gaur, larunbata, goizaldean izan dira, Tolosako Larramendi auzoko taberna batera joateko eskatu diotenean Ertzaintzari, alarma-zentraletik ustezko intrusio baten berri eman baitute. «Oriako ertzain-etxeko Herritarren Babeserako patruilak berehala bertaratu dira, eta gazte bat harrapatu dute hormigoizko bloke batekin beirate bat hautsi ondoren sartu den ostalaritza-establezimenduan. Inplikatua ihes egiten saiatu da polizia ikusi duenean, baina agenteak atzetik joan zaizkio berehala. Gertakarien egilea atxilotu egin dute, gauzetan indarra erabiliz egindako lapurreta-delitu bat egotzita, eta, ondoren, ertzain-etxera eraman dute, beharrezko izapideak hasteko».
Behin horiek amaituta, atxilotua epailearen esku utziko dutela esan dute. Ertzaintzak zabalik du lapurretaren ikerketa, ez baita baztertzen pertsona gehiagok parte hartzea.