Eukene Larrartek eskuin sorbaldan lesioa izan zuen ekainaren hasieran. Espainiako federaziotik azaldu dutenez tolosarra erabat osaturik dago, eta ondorioz, munduko txapelketan egongo da.
Larrarte abuztuaren 4an sartuko da lehian, arratsaldean. Egun horretan Scratch proban parte hartuko du tolosarrak. Eskualdeko txirrindulariaren bigarren lehia eguna abuztuaren 9koa izango da. Kasu honetan ere arratsaldez ariko da Larrarte Omnium proban.