Ane Martinek bosgarren postua lortu zuen 4.43ko denbora eginez, June Sudupek zortzigarren amaitu zuen 4.47rekin, eta Teresa Ibarbia hamargarren izan zen 4.48 eginez eta bere marka pertsonala lortuz.
Manex Civicok 3.000 metro oztopoetan parte hartu zuen, baina ez zuen bere eguna izan eta hamargarren postuan amaitu zuen, 9.52ko denborarekin. Irati Azpilgainek lehen kanporaketa gainditu zuen 100 metroko proban 12,37rekin eta finalerdietan geratu zen 12,52rekin, guztira 12. sailkatuz. Ander Aristik 400 metro hesietan parte hartu zuen, eta lasterketan laugarren hesiari gogor jo eta horrek eragindako desorekak probatik kanpo utzi zuen.
Bestalde, Super Amara Bat taldeko Mario Estanga tolosarrak pertika jauzian parte hartu zuen. 4,80 metroko markarekin laugarren postua lortu zuen, beste kirolari batekin berdinduta, eta hirugarren egin zuenaren marka berdina eginez.