400 metro ur gaineko probako finalerdietan parte hartu zuen, eta oso gutxigatik ez zuen lortu finalera pasatzea. Bederatzigarren denbora onena egin zuen, 3.26,44rekin, eta finalerako azken postua, zortzigarrena alegia, 18 ehunenekora geratu zitzaion. Txapelketa hasi aurretik, parte hartzaileen seigarren denbora onena zuen Lakunzak.
Bigarren proba eta berarentzat garrantzitsuena bihar izango du hegats igerilari tolosarrak. 400 metro eskafandra proba izango da, eta zuzenean finala jokatuko du. Parte hartzaileen artean denbora onena du Lakunzak.