Larunbatean, Lizara aterpetxetik Canfranc herrirako zeharkaldia burutu zuten, GR-11 ibilbidea jarraituz. Gauean Somporteko Aysa albergean atseden hartu ondoren, igandean Astun eski estaziotik abiatu ziren. Taldeko batzuk Moines edo Monjes gaina igotzera animatu ziren. Ayous aterpean, Midi d"Ossau ospetsua atzean zutela, hamaiketakoa jan, argazkiak egin eta jaitsiera luzeari ekin zioten. Jaitsieraren bukaera aldean Chemin de la Mature pasabide ezagunatik iritsi ziren Etsautera. Bertan zain zuten autobusa, etxera itzultzeko.
Alpino Uzturreko mendizaleak, Pirinioetan
Pasa den asteburuan, Tolosako Alpino Uzturre Elkarteko mendizaleek irteera egin zuten Pirinioetara. 23 laguneko taldea osatu zuten, aspaldiko handiena, eta eguraldia lagun, paraje ederrez gozatzeko aukera izan zuten.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!